Atyraýda DAISh sodyrlarynyń quramyna qosylǵysy kelgen destrýktivti dini aǵym ókili 6 jylǵa sottaldy, dep habarlaidy "Ult aqparat".
Oblystyq politsiia departamenti baspasóz qyzmetiniń máimetinshe, biylǵy mamyrda Ekstremizmge qarsy kúres basqarmasynyń qyzmetkerleri destrýktivti dini aǵymdardyń biriniń 32 jastaǵy jaqtaýshysyn ustaǵan. Politseiler ony sintetikalyq esirtki satqany úshin qolǵa túsirgen.
«Biraq bul oǵan taǵylǵan jalǵyz aiyp emes. Tergeý deregine súiensek, er adam DAISh tobynyń sodyrlaryna qosylýdy josparlap, birneshe ret tanystarymen terrorizmdi nasihattaýmen ainalysqan», deidi oblystyq politsiia deparatmenti basshysynyń orynbasary, politsiia polkovnigi Nurhat Kenjebaiuly.
Onyń aitýynsha, sot psihologiialyq-filologiialyq saraptamasynyń qorytyndysyna sáikes, teris dini aǵym ókiliniń málimdemelerinde qarýly jihad túrinde terrorizmdi nasihattaýǵa baǵyttalǵan belgiler bolǵan.
Sotqa deiingi tergeý barysynda er adam kinásin moiyndap, is júrgizý kelisimin jasasýǵa niet bildirgen. Keiinnen sot ony QR Qylmystyq Kodekstiń eki babymen (Esirtkini saqtaǵany jáne satqany, sondai-aq telekommýnikatsiialyq jelilerdi paidalanyp, terrorizmdi nasihattaǵany úshin) kináli dep tapty.
Kináni moiyndaý, jasalǵan is júrgizý kelisimin eskere otyryp, qylmysker 6 jylǵa bas bostandyǵynan aiyryldy.
