Foto: elements.envato.com
Atyraýda Nursaia yqshamaýdanynda egiz qyz úshinshi qabattyń terezesinen qulap ketti. Olar jansaqtaý bóliminde jatyr, - dep habarlaidy Tengrinews.kz tilshisi Atyraý oblysy Tótenshe jaǵdailar departamentiniń baspasóz qyzmetine silteme jasap.
Biyl osyndai eki jaǵdai tirkelgen. Úsh bala ártúrli dene jaraqatyn alǵan (2021 jyly – tórt jaǵdai, onyń ishinde úsh bala jaraqat aldy, ekeýi qaitys boldy).
"27 maýsymda saǵat 22:10-da "Nursaia" yqshamaýdanynda eresekterdiń qaraýynsyz (anasy kórshi bólmede bolǵan) torǵa súienip otyrǵan 2017 jylǵy egiz qyz úshinshi qabattaǵy terezeden qulap ketkeni habarlandy. Olar aýyr jaraqattarmen oblystyq balalar aýrýhanasynyń jansaqtaý bólimine jatqyzyldy", - delingen habarlamada.
