Atyraýda «Amangeldi» óndiristik kooperativiniń balyqshylary Jaiyq ózeniniń tómengi saǵasynan salmaǵy 150 keli tartatyn bekireni aýlady, dep habarlaidy "Ult aqparat".
Seriktestiktiń balyq aýlaý brigadasyna jetekshilik etetin tájiribeli balyqshy Ómirzaq Ázbergenovtiń aitýynsha, bekire tuqymdas alyp balyq 29 naýryzda keshkisin aýǵa túsken. Balyqshylar ony bekire tuqymdas balyqtar shabaǵyn ósirý jónindegi memlekettik tapsyrys aiasynda aýlaǵan. Balyq Jaiyq-Atyraý bekire shabaǵyn ósirý zaýytyna jetkizilgen.
«Bekire tuqymdas balyqtyń salmaǵy – 150 keli, uzyndyǵy – 2 metr 44 sm. Bizdiń mamandar ýltradybystyq skanerdiń kómegimen bekireniń analyq ekeni, qara ýyldyryǵy baryn anyqtady. Qara ýyldyryǵy bar balyq zaýyttyń toǵanynda bolady. Odan jasandy jolmen qara ýyldyryq alynady. Sodan soń ony Kaspii teńizine – tabiǵi ortaǵa qaita jiberemiz» - deidi zaýyt direktory Ǵilman Sársemaliev.
