Atyraýda 35 jastaǵy jigit týysynyń páterindegi jýynatyn bólmege jasyryn kamera qoiǵan, dep habarlaidy QazAqparat.
Oblystyq politsiia departamenti baspasóz qyzmetiniń málimetinshe, bul týraly politsiiaǵa 36 jastaǵy áiel shaǵym túsirgen.
Politsiiaǵa 17 qazanda 36 jastaǵy áiel habarlasyp, páterindegi jýynatyn bólmeniń qabyrǵasyna jasyryn kamera ornatylǵany týraly shaǵym túsirdi.
Jeke ómirge qolsuǵýshylyq qylmysyn jasaǵan kúdikti aryzdanýshynyń kúieý balasy bolyp shyqty.
«Aýdanda turatyn kúieý balasynyń aitýynsha, ápkesiniń úiine jii qonaqqa keletin áielin qyzǵanyp, jasyryn kamera ornatqan. Kameranyń janyna qýattaǵyshyn jalǵaǵan 35 jastaǵy kúdikti qylmysyn tolyqtai moiyndady», - dep habarlady departamenttiń baspasóz qyzmeti.
Qazir kúdiktige qatysty QR Qylmystyq kodeksiniń 147-babynyń 3 bóligimen sotqa deiingi tergeý júrip jatyr.
