© Photo : Astanadaǵy №1 avtobýs parki
Atyraýda avtobýs júrgizýshisi 10 jastaǵy balany qaǵyp óltirdi, dep habarlaidy AtyrauPress.
Oblystyq politsiia departamentiniń habarlaýynsha, 30 tamyz saǵat 13:30 shamasynda Tasqala yqsham aýdanynda qaiǵyly jol apaty boldy. Avtobýs aialdamasynyń janynda 2015 jyly týǵan jasóspirim joldy kesip ótpek bolǵan sátte kólik astyna túsip qaldy.
Dárigerlerdiń bar kúsh-jigerine qaramastan bala jedel járdem kóliginde alǵan jaraqatynan kóz jumdy.
Politsiia turǵyndardy joldy tek jaiaý júrginshiler ótkelinen ótý qajettigin, kólik júretin aýmaqqa jaqyndaǵanda barynsha saq bolýdy, al júrgizýshiler aialdamalar men turǵyn úi aýmaqtarynyń mańynda jyldamdyqty mindetti túrde tómendetýi tiis ekenin eskertedi.
