Atyraýda Alfa RVR sintetikalyq esirtki zatyn daiyndap, satqan kúdikti ustaldy, dep habarlaidy QazAqparat.
Atyraý oblystyq politsiia departamentiniń bastyǵy, politsiia polkovnigi Qamza Úmbetqalievtyń málimetinshe, jyl basynan beri saraptama qorytyndysymen zańsyz ainalymnan 1 keli 700 gramm esirtki alynǵan. Osyǵan bailanysty BQO, Qostanai, Aqtóbe qalalarynan kelgen 13 kepilger, Ózbekstan Respýblikasynyń 1 azamaty ustalǵan.
«Máselen, 5 qarashada esirtki qylmysyna qarsy is-qimyl basqarmasy qyzmetkerleri UQK Atyraý oblysy boiynsha departamentiniń qyzmetkerlerimen birlesip tiym salynǵan sintetikalyq esirtkini satýmen ainalysyp júrgen kúdiktini ustady. Tekserý kezinde 27 jastaǵy er adamnyń jaldamaly páterde esirtki dozalaryn daiyndap kelgeni anyqtaldy. Jaldamaly páterden esirtkini satýǵa arnalǵan quraldar men qurylǵylary tabyldy. Kúdiktiden saraptama qorytyndysyna sáikes, jalpy salmaǵy 300 gramdy quraityn «Alfa RVR» sintetikalyq esirtki zaty tabylyp, tárkilendi» -deidi Qamza Úmbetqaliev.
Qazir quramynda esirtkisi bar ósimdikterdi saqtaǵan kúdiktige qatysty QR Qylmystyq kodeksiniń 296-babynyń 4-bóligimen sotqa deiingi tergeý júrip jatyr.
