Atyraýda bes jasar bala 4-shi qabattan qulap ketken, dep habarlaidy "Ult aqparat".
Oblystyq politsiia departamenti baspasóz qyzmetiniń aqparatyna qaraǵanda, jyl basynan beri Atyraýda kóp qabatty turǵyn úilerdiń terezesinen 10-ǵa jýyq balanyń qulap ketýi tirkelgen.
«Terezeniń ashyq qalýynan 2-7 jas aralyǵyndaǵy balalar jii qulaidy. Óitkeni, olar terezeniń aldynda oinaý qaýipti ekenin eskermeidi. Al, ata-analar osyndai jastaǵy balalardy qaraýsyz qaldyrady. Máselen, 27 naýryzda bes jasar bala 4-shi qabattaǵy páter terezesinen qulap ketken. Ony ata-anasy terezesi ashyq turǵan bólmede jalǵyz qaldyrǵan» - dep habarlady departamenttiń baspasóz qyzmetinen.
Qazir jaraqat alǵan bala oblystyq balalar aýrýhanasynda emdelip jatyr.
