Atyraýda alaiaq áiel úsh adamdy arzan dollar áperem dep aldap ketken, dep habarlaidy QazAqparat.
Oblystyq politsiia departamenti baspasóz qyzmetiniń málimetine súiensek, 32 jastaǵy áiel úsh adamnyń aqshasyn alyp, san soqtyryp ketken.
Kúdikti úsh adamdy arzan baǵamen dollar alyp beremin dep aldaǵan.
Shyǵyn kólemi shamamen 1 mln 300 myń teńgeden asady.
Bar jiǵan-tergenin ailakerdiń esep-shotyna aýdarǵandar ádildik izdep, politsiiaǵa habar berdi.
Kúdikti áiel áýeli Atyraý qalasynyń 1987 jylǵy turǵynynan 645 myń teńgesin aldap alǵan.
Keiin 36 jastaǵy eki turǵynnyń birinen 300 myń, ekinshisinen 400 myń teńgeni jymqyrǵan.
«Turǵyndar qolyndaǵy qarjysyn alaiaqqa bergenin bilmei qalǵan. Alaida, alaiaq áiel ýáde etilgen arzan dollardy da, teńgelei qarjyny da qaitarmai, iz-túzsiz joǵalǵan» -dep málim etti departamenttiń bastyǵy, politsiia polkovnigi Qamza Úmbetqaliev.
Qazir atalǵan kúdiktige qatysty QR QK-niń 190-babynyń 1-bóligimen sotqa deiingi tergeý júrip jatyr.
