Atyraýda úsh jigit janarmai beketinde turǵan kólikti aidap áketken, dep habarlaidy QazAqparat.
Oblystyq politsiia departamenti baspasóz qyzmetinen málim etkendei, oqiǵa keshe, 21 qarashada bolǵan.
«Atyraý qalasyndaǵy Qurmanǵazy kóshesinde ornalasqan janarmai beketinde turǵan «VAZ-21015» avtokóligi urlanǵan. Bul týraly politsiiaǵa 21 qarasha kúni saǵat 8:00 shamasynda 1978 jylǵy azamattan habar tústi. Osyǵan orai jedel áreket etken beinebaqylaý inspektory «Sergek» kameralarynyń kómegimen urlanǵan kóliktiń júrý baǵyty men turǵan jerin anyqtady. «Batys-32» ekipajy 1990, 1992 jáne 1992 jyly týǵan kúdikti úsh jigitti ustap, Atyraý qalalyq politsiia basqarmasyna jetkizdi» - dep habarlady departamenttiń baspasóz qyzmeti.
Qazir ustalǵan kúdiktilerge qatysty QR qylmystyq kodeksiniń 200-babynyń 1-bóligimen sotqa deiingi tergeý bastaldy.
