Atyraýda 28 jastaǵy turǵynnan 362 keli bekire tárkilendi, dep habarlaidy QazAqparat.
Oblystyq politsiia departamenti baspasóz qyzmetiniń málimetine súiensek, qazir «Bekire-2021» jedel profilaktikalyq is-sharasynyń kúzgi kezeńi ótip jatyr.
«Is-shara kezinde kriminaldyq politsiia basqarmasynyń qyzmetkerleri mamandary «VAZ-2114» avtokóligin toqtatyp, tekserý júrgizgen. Tekserý kezinde kóliktiń júk salǵyshynan 20, turǵyn úi aýlasyndaǵy garajdan 84 dana bekire tuqymdas balyqty tárkiledi. 28 jastaǵy kúdiktiden tárkilengen 104 dana bekire tuqymdas balyqtyń salmaǵy 362 kelini qurady», - dep habarlady oblystyq politsiia departamentiniń bastyǵy, politsiia polkovnigi Qamza Úmbetqaliev.
Qazir atalǵan derekke qatysty QR Qylmystyq kodeksiniń 339-babynyń 2 bóligimen sotqa deiingi tergeý júrip jatyr.
