Atyraý oblysynyń ákimi 200 oryndyq modýldik tiptegi infektsiialyq aýrýhananyń qurylysyn tekserdi, dep habarlaidy "Ult aqparat" óńirlik kommýnikatsiia qyzmetine silteme jasap.
Atyraý oblysynda daiyndyq aiasynda 200 oryndyq modýldik tiptegi juqpaly aýrýlar aýrýhanasynyń qurylysy qarqyndy júrip jatyr. Qazir qurylys jumystarynyń 85% aiaqtalǵan. Munda 900 adam jumys isteidi. Aýrýhana qurylysy qazan aiynda aiaqtalady dep josparlanýda.
Meditsinalyq nysan 180 statsionarlyq tósekke jáne 20 kerýettik reanimatsiialyq bólim men qarqyndy terapiiaǵa arnalǵan. Qurylysty «Nort Kaspian Opereiting Kompani N.V.» kompaniiasynyń tapsyrysymen «BI Industrial»BI kompaniiasy júrgizip jatyr.
Infektsiialyq aýrýhanalar standartymen boi túzeitin meditsinalyq mekemeniń ǵimaraty jyldam qurastyrylatyn qurylys tehnologiiasyna sáikes, modýldi bloktardan turǵyzylýda. Meditsina qyzmetkerleri men em alýshylardyń qaýipsizdigin qamtamasyz etetin zamanaýi quraldarmen jabdyqtalady.
Aýrýhana ákimshilik bóligi bar meditsinalyq bloktan, qabyldaý-diagnostikalyq bólimnen, operatsiialyq blogy bar jansaqtaý bóliminen, sondai-aq galereia tipindegi dálizben bailanysqan bes bólimnen turady.
Nysan jobasy meditsinalyq logistika men infektsiialyq baqylaýdy saqtai otyryp, bir-birimen yńǵaily bailanysta bolatyn bloktarmen jasaqtalǵan. Karantindik jáne qarqyndy terapiia aimaqtary bólingen. Sanitarlyq baqylaý bólmeleri, naýqastardyń men qyzmetkerlerdiń júris baǵyty belgilengen.
Munda 56 - eki, 16 - úsh oryndyq palata, 6 - bir oryndyq, kóshege jeke shyǵatyn 7 eki oryndyq boks, qarqyndy terapiia bólimine 20 kerýetti oryn, qabyldaý-diagnostikalyq bólimine 5 boks qarastyrylǵan.
Personalǵa arnalǵan sanitarlyq baqylaý bólmeleriniń aimaqtary barlyq qurylymdyq bólimshelerde taza jáne juqpaly aimaqtar bolyp bólingen. Adamdar qozǵalysy bir-birine kedergi keltirmeitindei sanitarlyq-gigienalyq jáne epidemiologiialyq talaptar qarastyrylǵan.
Aimaq basshysy oblystyq densaýlyq saqtaý jáne qurylys basqarmalaryna nysannyń tiisti talaptarǵa sai bolýyn tapsyrdy.
Aita ketelik, Qulsary qalasynda da 275 oryndyq aýdandyq ortalyq aýrýhana salynyp jatyr.
