Atyraý oblysynda Batys Qazaqstan oblysynyń eki turǵyny 1 tonnadan astam bekire balyǵymen ustaldy, dep habarlaidy "Ult aqparat".
Atyraý oblystyq Politsiia departamentiniń qyzmetkerleri «Bekire» jedel-profilaktikalyq aldyn alý sharasy kezinde «Atyraý-Oral» tasjolynda balyq tiegen «Toyota Land Cruiser» kóligin toqtatqan.
«Kólikten 345 dana bekire balyǵy men salmaǵy 200 gramm qara ýyldyryq tabyldy. Osyǵan bailanysty Batys Qazaqstan oblysynyń 28 jáne 29 jastaǵy eki turǵyny ustaldy. Olar baǵaly bekire tuqymdas balyqty zańsyz jolmen Atyraýdan Oral qalasyna jetkizbekshi bolǵan. Tárkilengen balyqtyń jalpy salmaǵy 1 tonnadan asady», - dep habarlady departamentten.
Qazir sotqa deiingi tergep-tekserý Qylmystyq kodekstiń 339-babymen (Ósimdikterdiń nemese janýarlardyń sirek kezdesetin jáne quryp ketý qaýpi tóngen, sondai-aq paidalanýǵa tyiym salynǵan túrlerimen, olardyń bólikterimen nemese derivattarymen zańsyz ainalysý) júrgizilýde.
Baǵaly balyqty zańsyz tasymaldaǵan BKO-nyń eki turǵyny qamaýǵa alyndy.
