.JPG)
Memleket basshysynyń Qazaqstan halqyna Joldaýynyń áleýmettik-eńbek salasyndaǵy negizgi baǵyttaryn jáne QR Áleýmettik kodeksi jobasynyń normalaryn túsindirý maqsatynda QR Eńbek jáne halyqty áleýmettik qorǵaý ministrligi qurǵan arnaiy mobildi top Atyraý oblysynda belsendi aqparattyq-túsindirý jumystaryn júrgizdi. Vedomstvo men enshiles uiymdardyń ókilderi Isatai jáne Jylyoi aýdandarynda bolyp, aýdan turǵyndarymen, jastarmen, eńbek ujymdarymen, densaýlyq saqtaý, bilim berý jáne áleýmettik qorǵaý salalarynyń qyzmetkerlerimen, ÚEU ókilderimen, aýyldyq okrýg ákimderimen jáne máslihat depýtattarymen kezdesýler ótkizdi.
Mobildi toptyń quramynda QR EHÁQM Kóshi-qon komiteti tóraǵasynyń m.a. Ilias Ispanov, QR EHÁQM Áleýmettik kómek departamentiniń direktory Ainur Abdrahmanova, «Memlekettik annýitettik kompaniia» AQ direktorynyń orynbasary Gúlfairýz Serikova, «MÁSQ» AQ Atyraý oblysy boiynsha filialynyń direktory Almagúl Shatenova bar.
Ilias Ispanov kezdesý barysynda Memleket basshysynyń 2022 jylǵy 1 qyrkúiektegi Qazaqstan halqyna Joldaýynda aitylǵan tapsyrmalaryn iske asyrýdy kózdeitin Kóshi-qon saiasatynyń jańa tujyrymdamasy týraly aityp berdi. Onda Qazaqstan úshin jii tartylatyn jáne bir mezgilde tapshy kásipter boiynsha 100 úzdik sheteldik mamandardy tartý tetigi kózdeletin bolady.
«Bul mamandardyń mindeti bilim transferi jáne óndiriste jumys isteitin qazaqstandyqtardy daiarlaý bolmaq. Olar úshin turýǵa yqtiiarhaty bar «Baǵaly daǵdylarǵa arnalǵan viza» engiziledi jáne qazaqstandyq kadrlardy ozyq daiarlaý úshin únemi jańartylyp otyratyn baǵaly daǵdylar reitingi (tapshy kásipter men mamandyqtar) qalyptastyrylady. Osyǵan uqsas suranysqa ie mamandyqtar boiynsha úzdik oqytýshylardy tartý josparlanýda.
Sondai-aq, Memleket basshysynyń tapsyrmasyn iske asyrý aiasynda jańa Tujyrymdama jobasynda biznes-immigratsiia tásilderi ózgertiledi. Qazaqstan ekonomikasyna bir ýaqytta 300 myń AQSh dollaryn investitsiialaǵan sheteldik biznesmender úshin 10 jyldyq turýǵa yqtiiarhat alýǵa quqyq beretin «Investitsiialyq viza» engiziletin bolady. Viza iesi biznesti tirkeýge, menshikti ielenýge, qarjylyq operatsiialardy júrgizýge múmkindik alady», – dedi Ilias Ispanov.
Onyń aitýynsha, bul Qazaqstanǵa túrli salalardy damytýǵa kómektesetin sarapshylar men investorlardy tartýdy shynaiy maqsatqa ainaldyrady.
Budan basqa jańa Tujyrymdama sheńberinde transfert arqyly jumys oryndaryn qura otyryp, azamattardyń Soltústik jáne Ortalyq óńirlerge retteletin qonys aýdarýyn uiymdastyrý jáne eldiń basqa oblystarynda negizdelgen qoldanystaǵy biznes-jobalardy keńeitý tetigi kózdeletin bolady.
«Jańa Tujyrymdama aiasynda tarihi Otanynda qandastardy qabyldaý jáne jailastyrý saiasaty da qaita qaralatyn bolady. Atap aitqanda, qujattardy qabyldaý kezeńinde qandastyń keletin jerin aiqyndaý tetigin engizý jáne osy óńirde belgili bir ýaqyt turaqty turǵannan keiin azamattyq bere otyryp, eńbek kúshi tapshy óńirlerge kóshýdi retteý men yntalandyrý jóninde sharalar qabyldaý kózdeledi.
Tarihi Otanymen bailanysty nyǵaitý maqsatynda joǵary deńgeidegi mamandar nemese óz elderinde tabysty biznes-keisterdi iske asyrǵan jáne olardy Qazaqstanda masshtabtaýǵa niet bildirgen etnikalyq qazaqtarǵa (basqa elderdiń azamattaryna) arnalǵan Qazaq kartasyn engizý jáne ony olarǵa berý usynylady. Onyń iesi saiasi quqyqtardy qospaǵanda, elge jeńildetilgen kirý múmkindigine ie bolady (biznes ashý, jyljymaityn múlikke jáne basqa múlikke ielik etý, qarjylyq operatsiialar júrgizý)», – dedi Ilias Ispanov.
Sonymen qatar Isatai jáne Jylyoi aýdandarynyń turǵyndarymen kezdesý barysynda mobildik top músheleri Joldaýdyń jáne Áleýmettik kodekstiń basqa da mańyzdy baǵyttaryn iske asyrý týraly, atap aitqanda, memlekettik járdemaqy men bala kútimi boiynsha áleýmettik tólemderdi tóleý merzimin ulǵaitý, ETJ ulǵaitý, Otbasynyń tsifrlyq kartasyn engizý, Elektrondyq eńbek birjasy bazasynda tsifrlyq ekojúieni qalyptastyrý, jumyspen qamtý salasyndaǵy jańa saiasat, oqytý júiesin damytý jáne kásibi daǵdylardy sertifikattaý, arnaýly áleýmettik qyzmetter júiesin jańǵyrtý, zeinetaqy tólemderin arttyrý jáne t. b. týraly aitty.
