Atyraý oblysynda turǵyn úiden 4 adamnyń, sonyń ishinde 1 balanyń denesi tabyldy, dep habarlaidy "Ult aqparat".
Oblystyq Tótenshe jaǵdailar departamenti baspasóz qyzmetiniń málimetinshe, qaiǵyly oqiǵa 4 naýryz kúni Mahambet aýdanynda bolǵan.
«Keshki saǵat 18:33-te Mahambet aýdandyq №11 órt sóndirý bólimshesine politsiia bóliminen Aqtoǵai eldi mekeninde Salyqov kóshesindegi úilerdiń birinen 4 adamnyń múrdesi tabylǵany týraly habar tústi. Oqiǵa ornyna barǵan Mahambet aýdandyq Tótenshe jaǵdailar bóliminiń qyzmetkerleri 1974, 1991 jyly týǵan eki er adam men 1977 jylǵy áieldiń, 2016 jyly ómirge kelgen qyzdyń qaitys bolǵanyn anyqtady», - dep habarlady departamenttiń baspasóz qyzmetinen.
Aldyna ala boljam boiynsha, qaza bolǵandar kómirqyshqyl gazyna ýlanǵan. Oqiǵanyń mán-jaiy anyqtalǵannan keiin qosymsha aqparat beriletin bolady.
