Atyraý oblysynda tok soqqan 11 jasar bala aýrýhanada jatyr.
Oblystyq densaýlyq saqtaý basqarmasynyń baspasóz qyzmetinen málim etkendei, oqys oqiǵa 2 qyrkúiekte Qurmanǵazy aýdanynda bolǵan.
«Aýdan ortalyǵy – Qurmanǵazy aýylyndaǵy saiabaqta oinap júrgen balany kóshe jaryǵynyń baǵanasynan tok soqqan. Bala aýdandyq ortalyq aýrýhanaǵa jetkizilip, jansaqtaý bólimine jatqyzylǵan. Úsh kúnnen soń bala jalpy palataǵa aýystyrylǵan. Qazir zardap shegýshiniń jaǵdaiy ortasha aýyr dep baǵalanyp otyr. Oǵan 10 kún boiy qajetti meditsinalyq kómek kórsetiledi», - dep habarlady basqarmanyń baspasóz qyzmeti.
