Atyraý oblysynda mektep oqýshylary balabaqshaǵa jasyryn kirip, astan-kesteńin shyǵarǵan, - dep habarlaidy Tengrinews.kz agenttigi.
Oqiǵa týraly jýrnalist Gúlmira Ábiqai áleýmettik jelide jariialady.
"Búgin Qulsary qalasyndaǵy (Atyraý oblysy) "Qyzǵaldaq" bala baqshasyna 6-7 synyp oqýshylary kirip, áp sátte ǵimarat ishindegi búkil zatty qiratyp shyqqan.
Esikter synyp, tereze shaǵylǵan. Kishkentai bóbekterdiń oiyn bólmesi, ashanasy, tipti kiim iletin shkaftary da qiraǵan. Óshi qalǵandai sábilerdiń mamyq oiynshyqtaryn jyrtyp, qýyrshaqtaryn qaq bólgen.
Kúzetshi buzaqylardyń ekeýin ustap úlgeripti. Bári de sol baqsha mańaiynda turatyn jergilikti balalar", - dedi Gúlmira Ábiqai.
Atyraý oblysynyń politseileri jaǵdaiǵa qatysty túsinikteme berdi.
"Balabaqsha ishinde jasalǵan quqyq buzýshylyq deregi boiynsha 9 oqýshynyń ata-anasy Jylyoi aýdany Qulsary qalasyna shaqyrylyp, QR ÁQBtK-niń 127-baby boiynsha jinaqtalǵan qujattar sotqa joldandy", - delingen habarlamada.
