Atyraý oblysynda «Lexus LX470» kóliginen 468 keli bekire tuqymdas balyq tárkilendi, dep habarlaidy "Ult aqparat".
Oblystyq politsiia departamentiniń baspasóz qyzmetinen málim etkendei, jol talǵamaityn kólik Kaspii teńiziniń jaǵasynda qumǵa batyp qalǵan.
«Isatai aýdandyq politsiia bólimi men UQK Atyraý oblysy boiynsha shekara departamentine qarasty zastava qyzmetkerleri birlesip Janbai aýylynyń tusynda saǵat 05:00 shamasynda «Lexus LX470» markaly kóliginen 120 dana, salmaǵy 468 keli bekire tuqymdas balyǵyn tárkiledi. Jarty tonnaǵa jýyq baǵaly balyqty tiegen jol talǵamaityn kólik Kaspii teńiziniń qumdy jaǵalaýynda batyp qalǵan» -dep habarlady departamenttiń baspasóz qyzmeti.
Qazir atalǵan derekke qatysty QR Qylmystyq Kodekstiń 339-babynyń 1-bóligimen sotqa deiingi tergeý júrip jatyr.
