Atyraý oblysynda byltyr qorshaǵan ortaǵa 1 mlrd teńgeniń zalaly kelgeni anyqtaldy, dep habarlaidy "Ult aqparat".
Bul týraly Atyraý oblysy boiynsha Ekologiia departamentiniń basshysy Álibek Bekmuhametov málim etti.
Onyń aitýynsha, ekologiialyq zańnamany saqtaýǵa bailanysty 83 tekserý júrgizilip, 91 ákimshilik is qozǵalǵan. Nátijesinde 73 ákimshilik is boiynsha jalpy somasy 96 017 000 teńgege ákimshilik aiyppul túrinde qaýly shyǵarylyp, jalpy somasy 1 milliard teńgeden astam quraityn qorshaǵan ortaǵa keltirilgen zalaldy óteý týraly 106 uiǵarym usynylǵan.
«Byltyr «I sanattaǵy obektiler úshin memlekettik ekologiialyq saraptama qorytyndysyn berý» boiynsha 252 memlekettik qyzmet kórsetildi. Onyń ishinde 182 jobaǵa memlekettik ekologiialyq saraptamanyń oń qorytyndysy berilip, 57 jobaǵa ekologiialyq zańnama talaptaryna sáikes kelmeýine bailanysty teris qorytyndylar berildi. 13 joba aldyn-ala saraptamamen keri qaitaryldy. «I sanattaǵy obektiler úshin qorshaǵan ortaǵa emissiialarǵa ruqsat berý» boiynsha 71 qyzmet kórsetildi. 53 ótinishke qorshaǵan ortaǵa emissiiaǵa ruqsat berilip, 15 ótinimge ruqsat berýden bas tartyldy», - dedi Atyraý oblysy boiynsha ekologiia departamentiniń basshysy Álibek Bekmuhametov.
Sondai-aq, ekologiialyq zańnama buzǵan 244 derek tirkelgen.
Eske sala ketelik, buǵan deiin «Teńizshevroildan» ekologiialyq zańnamany buzǵany úshin 726 mln-nan astam teńge óndirilgenin habarlaǵanbyz.
