Atyraý oblysynda kóktemgi balyq aýlaý maýsymy bastaldy, dep habarlaidy "Ult aqparat".
Oblystyq balyq sharýashylyǵy basqarmasynyń basshysy Artýr Sádibekulynyń aitýynsha, 24 naýryzda 30 kásiporyn kóktemgi balyq aýlaý maýsymyna kirisken. Al, ótken aptada Qurmanǵazy aýdanyndaǵy jergilikti 5 óndiristik kooperativ pen seriktestik balyq aýlaýdy bastaǵan.
«Qazir oblystyń balyq sharýashylyǵy salasynda 4,5 myń adam jumys isteidi. Olar turaqty jáne maýsymdyq jumyspen qamtylyp otyr. Kóktemgi balyq aýlaý maýsymy 25 mamyrǵa deiin jalǵasady. Sodan keiin 1 tamyzǵa deiin toqtatylady. Al, kúzgi balyq aýlaý tamyzda maýsymy bastalyp, muz qatqanǵa deiin sozylady. Ár kásiporynda balyq aýlaý maýsymyn sátti ótkizýge tolyq jaǵdai jasalyp otyr. Balyq aýlaý limiti ótken jyly bólinip berildi» - deidi Artýr Sádibekuly.
