Atyraý oblysynda karantin shekteý sharalary kúsheitiledi, dep habarlaidy "Ult aqparat".
Bul týraly oblystyń bas sanitar dárigeri Mádeniet Tanaýovtyń jańa qaýlysynda aitylǵan.
«Atyraý oblysynyń aýmaǵynda epidemiologiialyq jaǵdai turaqtalǵanǵa deiin sharýashylyq nemese ózge de qyzmetterge jáne halyqtyń tynys-tirshiligine airyqsha talaptarmen shekteý sharalary engizilsin. Shekteý is-sharalarynyń rejimi men merzimderi oblys aýmaǵynda COVID-19 koronavirýs infektsiiasynyń taralýy boiynsha ahýaldyń ózgerýine sáikes qaita qaralýy múmkin», - delingen qujatta.
Qaýlyǵa sáikes, kópshilik is-sharalardy (merekelik, oiyn-saýyq, kópshilik mádeni, sport, bilim berý is-sharalary, kórme, korporativ, forým, konferentsiia, sondai-aq otbasylyq, estelik is-sharalary (banket, úilený toiy, mereitoi, eske alý jáne t. b.), onyń ishinde úide jáne jappai adamdar jinalatyn ózge de is-sharalardy ótkizýge, barlyq oiyn-saýyq obektileriniń, banket zaldarynyń, jabyq orynjaidaǵy balalar oiyn alandary men attraktsiondardyń (aýladaǵyny qospaǵanda), batýttardyń, túngi klýb, karaoke, kompiýter jáne oiyn klýbtarynyń, qorqor, biliard, boýlingterdiń, býkmekerlik keńselerdiń, merekelerdi uiymdastyrý boiynsha qyzmet kórsetýdiń, menshik nysanyna qaramastan mektepke deiingi balalar mekemeleriniń (kezekshi toptardy qospaǵanda), mádeni nysandardyń, jeke, toptyq daiyndyqtardy qosa alǵanda kinoteatrlardyń, teatrlardyń, kontsert zaldarynyń qyzmetine tyiym salynyp otyr.
Jańa 2021 jylǵy 29 naýryzdan saǵat 00:00-den bastap zańdy kúshine enedi.
