Foto: agroinfo.kz
Atyraý oblysynda asa qaýipti mal aýrýynyń úsh oshaǵy anyqtaldy. Aýrý oshaqtary Inder men Qurmanǵazy aýdanynan tabylǵan, dep habarlaidy Azattyq Rýhy.
Atyraý oblystyq aýyl sharýashylyǵy jáne jer qatynastary basqarmasynyń habarlaýynsha, asa qaýipti aýrý oshaqtarynda shekteý jáne karantin sharalary belgilendi.
«Biyl bekitilgen josparǵa sáikes óńirdegi tórt túlikke asa qaýipti 11 túrli aýrýǵa qarsy 3 mln 551 myń 758 doza vaktsina egildi. Brýtsellez aýrýyna bailanysty 1 mln 50 myń 940 qan synamasy alyndy. Synama qorytyndysymen anyqtalǵan aýrý mal ielerine jergilikti biýdjet esebinen tiisti ótemaqy tólendi», - delingen aqparatta.
Oblys aýmaǵynda sońǵy úsh jylda ýly qaraqurt kóbeigen. Qaraqurttan tórt túlik, onyń ishinde túie kóp zardap shegýde. Maýsym-shilde ailarynda 485 túieni qaraqurt shaqty. Sonyń saldarynan 90 túie óldi.
