Sýret: azh.kz
Atyraý oblysy Isatai aýdany Isatai aýylynda 14 jastaǵy 8-synyp oqýshysyn joǵary synyp oqýshylary urǵan. Jaraqat alǵan oqýshy aýdandyq aýrýhanaǵa jetkizilgen, - dep habarlaidy Tengrinews.kz.
Jasóspirimniń anasy Gúlzada Musaǵalievanyń aitýynsha, oqiǵa 20 mamyrda tústen keiin bolǵan. Bala fýtbol oinaýǵa ketken, biraq osyndai kúide oralǵan.
"Muhambet tamyzda 15 jasqa tolady. Oqý úlgerimi jaqsy, 4 pen 5-ke oqidy. Mektep tarapynan da, synyptastarynyń ata-analary tarapynan da tártibine bailanysty shaǵym bolmaǵan. Sol kúni ulym fýtboldan kóńilsiz oraldy, áreń qozǵaldy. Ne bolǵanyn suraǵanda, oiyn kezinde qulaǵanyn aitty. Sodan keiin ol demalyp qaldy, keshki asqa oianǵanda, dirildep, oryndyqqa durys otyra almady. Kelesi kúni ol taǵy da jata berdi. Onyń denesin qarasam, bári kógergenin kórdim. Birden jedel járdem shaqyryp, politsiiaǵa aryz jazdym, - dedi G.Musaǵalieva.
Jasóspirimdi aýdannan oblystyq aýrýhanaǵa aparǵan, onda "oń iyǵy kógergen, bel men keýde tusynan jaraqat alǵan" degen diagnoz qoiylǵan.
"Ulymdy 9 bala urǵan. Ekeýi - 9-synyp oqýshysy, qalǵandary synyptastary. Qazir olardyń ata-analary kelip, keshirim surap jatyr. Muny jazasyz qaldyrǵym kelmeidi. Mektep te jaýap bersin", - dedi zardap shekken balanyń ata-anasy.
Isatai orta mektebiniń direktory Aigúl Ádilbaeva isti politsiia tekserip jatqanyn, tergeý aiaqtalǵansha eshteńe aita almaitynyn jetkizgen.
"Osy oqiǵaǵa bailanysty oqýshylarmen jáne olardyń ata-analarymen kezdesý ótkizdik. Balalar bul oqiǵa sabaq aiaqtalǵannan keiin, aýyldyń shetinde bolǵanyn aitady. Qazir jábirlenýshiniń jaǵdaiy qalypty, aýrýhanada emdelip jatyr", - Isatai aýdandyq bilim bóliminiń bastyǵy Gýlaina Qurmanǵalieva.
Atyraý oblystyq Politsiia departamenti baspasóz qyzmetiniń málimetinshe, 21 mamyrda 2007 jyly týǵan jasóspirimniń ata-anasynan aryz túsken. Kúdikti retinde Isatai orta mektebiniń eki 9 synyp oqýshysy anyqtalǵan. Bul oqiǵaǵa qatysty QR Qylmystyq kodeksiniń 107-baby ("Densaýlyqqa qasaqana aýyrlyǵy ortasha ziian keltirý") boiynsha sotaldy tergeý bastalyp, saraptamalar taǵaiyndalǵan.
