Atyraý oblysy densaýlyq saqtaý basqarmasynyń basshysy Mánshúk Aimurzieva qyzmetinen ketti, dep habarlaidy "Ult aqparat".
«Densaýlyq saqtaý basqarmasynyń basshysy Mánshúk Aimurzieva qyzmetinen ketti. Oblys ákiminiń densaýlyq saqtaý salasyna jaýapty birinshi orynbasary Serik Shapkenovke qatań sógis jariialandy», - dep málimdedi oblystyq ákimdiktiń baspasóz qyzmeti.
Oblys ákimdiginiń aqparatyna sensek, qazir oblysta densaýlyq saqtaý salasyna erekshe nazar aýdarýda, jyl saiyn dárigerlerge qajetti qarajat bólinip jatyr, salaǵa quiylǵan qarjy kólemi ósip keledi, perzenthana, aýrýhana, meditsinalyq mekeme ataýlynyń báriniń osy kúngi máseleleri sheshimin taýyp jatyr. Densaýlyq saqtaý basqarmasy olardyń talapqa sai bolýy úshin jumys istep jatyr.
Aita keteiik, Mánshúk Aimurzieva Atyraý oblysy densaýlyq saqtaý basqarmasynyń basshysy bolyp 2017 jyly taǵaiyndalǵan. Oǵan deiin Batys Qazaqstan oblysy densaýlyq saqtaý basqarmasy basshysynyń damý jáne uiymdastyrý jónindegi orynbasary bolǵan.
Eske salaiyq, Atyraý oblystyq perinataldyq ortalyǵynyń bas dárigeri men akýsheri sanaly túrde sábidiń ómirin saqtap qalmady degen kúdikke ilingen.
Ortalyq qyzmetkerleri jumystan ketýge ótinish jazyp, artynsha Prezidentten kómek suraǵan.
