Atyraý munai óńdeý zaýytynyń qyzmetkeri koronavirýs infektsiiasyn juqtyrǵan. Bul týraly «QazMunaiGaz» UK AQ málim etti, dep habarlaidy "Ult aqparat".
«2020 jylǵy 2 sáýirde Atyraý qalasy boiynsha taýarlar men kórsetiletin qyzmetterdiń qaýipsizdik sapasyn baqylaý basqarmasy jasaǵan saraptama qorytyndysy boiynsha «Atyraý munai óńdeý zaýyty» JShS qyzmetkeriniń koronavirýs infektsiiasyn juqtyrǵany rastaldy. Bul qyzmetker 2020 jylǵy 28 naýryzda jumystan tys keshki ýaqytta basqa naýqas adammen bailanysta bolǵansoń infektsiiany juqtyrý yqtimaldyǵy týraly habarlady. Bizdiń áriptesimiz qoldanystaǵy erejelerdi basshylyqqa ala otyryp, 2020 jylǵy 29 naýryzda ózi oqshaýlandy. 2020 jylǵy 1 sáýirde bailanysta bolǵan adam koronavirýstyq infektsiiaǵa shaldyqqany rastalǵan soń AMÓZ qyzmetkerinen saraptama alyndy. Onyń nátijesi búgin belgili boldy» delingen kompaniia taratqan aqparatta.
Atyraý munai óńdeý zaýytynyń qyzmetkeri óz áriptesterimen bailanys jasamaǵan. Ol sońǵy ret jumys ornynda 28 naýryzda boldy.
Qazir Atyraý munai óńdeý zaýytynyń basshylyǵy bekitilgen rásimderge sáikes onymen bailanysta bolýy múmkin adamdardy tekserip jatyr. Memlekettik ýákiletti organdarmen ózara tyǵyz jumys jasaýda. Oblystyń sanitarlyq-epidemiologiialyq qyzmetimen birlesip, sanitarlyq-epidemiologiialyq sharalarǵa kiristi.
Al, Atyraý munai óńdeý zaýyty qalypty rejimde jumys istep tur. Munai ónimderin óndeý men jóneltý bekitilgen óndiristik josparǵa sai júzege asyrylyp jatyr.
