Búgin Atyraýda sýǵa ketken qyzdy qutqarý kezinde qaza bolǵan politsiia serjanty Shalqar Aqymǵalievty aqyrǵy saparǵa shyǵaryp salý rásimine myńnan astam qala halqy jinaldy, dep habarlaidy QazAqparat.
Jinalǵan qaýym arasynda Atyraý oblysynyń ákimi N.Noǵaev, QR IIM Ákimshilik politsiia komiteti bastyǵynyń orynbasary politsiia polkovnigi M.Baibolov, oblystyń bas politseii politsiia polkovnigi A.Dúisembaev, sondai-aq Politsiia departamentiniń jeke quramy boldy.
Qaraly jiynda qyzmetkeriniń joǵary adamgershilik qasietterin eske alǵan Politsiia departamentiniń bastyǵy Aian Dúisembaev:
«Meniń ózimniń qyzmet etken birneshe jyldardyń ishinde alǵash ret jas jaýyngerimnen aiyrylyp turmyn. Meniń jaýyngerim qan maidanda emes, adamdy ajaldan arashalaý kezinde Jaiyqtyń asaý tolqynynda qaza boldy. Qosh bol, meniń jas jaýyngerim!» - dep tolqi sóiledi.
Aqymǵalievter otbasyna kóńil aityp joldaǵan QR Senat Parlamentiniń tóraǵasy D.Nazarbaeva, «Nur Otan» partiiasy tóraǵasynyń birinshisi hatshysy M.Áshimbaev, QR Ishki ister ministri E.Turǵymbaevtyń jedel hattary oqyldy.
Jerleý rásimi kezinde erlikpen qaza tapqan politsiia serjanty Shalqar Aqymǵalievqa qurmet kórsetý úshin politsiia departamenti qyzmetkerleri aspanǵa úsh márte bos patrondarmen oq atyp, qoshtasý belgisin bildirdi.
