بٷگٸن اتىراۋدا سۋعا كەتكەن قىزدى قۇتقارۋ كەزٸندە قازا بولعان پوليتسييا سەرجانتى شالقار اقىمعاليەۆتى اقىرعى ساپارعا شىعارىپ سالۋ رەسٸمٸنە مىڭنان استام قالا حالقى جينالدى, دەپ حابارلايدى قازاقپارات.
جينالعان قاۋىم اراسىندا اتىراۋ وبلىسىنىڭ ەكٸمٸ ن.نوعاەۆ, قر ٸٸم ەكٸمشٸلٸك پوليتسييا كوميتەتٸ باستىعىنىڭ ورىنباسارى پوليتسييا پولكوۆنيگٸ م.بايبولوۆ, وبلىستىڭ باس پوليتسەيٸ پوليتسييا پولكوۆنيگٸ ا.دٷيسەمباەۆ, سونداي-اق پوليتسييا دەپارتامەنتٸنٸڭ جەكە قۇرامى بولدى.
قارالى جيىندا قىزمەتكەرٸنٸڭ جوعارى ادامگەرشٸلٸك قاسيەتتەرٸن ەسكە العان پوليتسييا دەپارتامەنتٸنٸڭ باستىعى ايان دٷيسەمباەۆ:
«مەنٸڭ ٶزٸمنٸڭ قىزمەت ەتكەن بٸرنەشە جىلداردىڭ ٸشٸندە العاش رەت جاس جاۋىنگەرٸمنەن ايىرىلىپ تۇرمىن. مەنٸڭ جاۋىنگەرٸم قان مايداندا ەمەس, ادامدى اجالدان اراشالاۋ كەزٸندە جايىقتىڭ اساۋ تولقىنىندا قازا بولدى. قوش بول, مەنٸڭ جاس جاۋىنگەرٸم!» - دەپ تولقي سٶيلەدٸ.
اقىمعاليەۆتەر وتباسىنا كٶڭٸل ايتىپ جولداعان قر سەنات پارلامەنتٸنٸڭ تٶراعاسى د.نازارباەۆا, «نۇر وتان» پارتيياسى تٶراعاسىنىڭ بٸرٸنشٸسٸ حاتشىسى م.ەشٸمباەۆ, قر ٸشكٸ ٸستەر مينيسترٸ ە.تۇرعىمباەۆتىڭ جەدەل حاتتارى وقىلدى.
جەرلەۋ رەسٸمٸ كەزٸندە ەرلٸكپەن قازا تاپقان پوليتسييا سەرجانتى شالقار اقىمعاليەۆقا قۇرمەت كٶرسەتۋ ٷشٸن پوليتسييا دەپارتامەنتٸ قىزمەتكەرلەرٸ اسپانعا ٷش مەرتە بوس پاتروندارمەن وق اتىپ, قوشتاسۋ بەلگٸسٸن بٸلدٸردٸ.
