6 naýryz kúni Almaty tehnologiialyq ýniversitetinde jyl saiyn uiymdastyrylatyn dástúrli «ATU Aruy» baiqaýy ótti.
Sharanyń shymyldyǵy ATÝ rektorynyń orynbasarynyń quttyqtaý sózimen ashylyp, rektordyń atynan ýniversitet qabyrǵasyndaǵy eńbegi úshin ustazdar men stýdent qyzdarǵa alǵys hattar tabystaldy.
Qonaqtar men ATÝ-lyqtarǵa arnalǵan kontserttik baǵdarlamada Nurtas Qairatuly, «ATÝ quramasy» jaidarman oiynshylary óner kórsetip, kópshiliktiń kóńilin kóterdi. Keshtiń arnaiy qonaǵy, qazaq estradasynyń ánshisi Ernar Aidar kórermendermen qosyla án shyrqap, merekelik kóńil-kúi syilady.
«ATU Aruy – 2019» baiqaýynyń finaldyq kezeńinde ýniversitettiń 15 arýy baq synady. Olar – osyǵan deiin úsh kezeńnen turatyn irikteýden ótip, 38 qatysýshynyń ishinen sýyrylyp shyqqandar. Atap aitsaq, ýniversitet arýy ataǵy úshin Dúisenbieva Dina, Aitqul Aida, Toiqul Áigerim, Shaikenova Adel, Asanova Nailam, Shakimaratova Nurhanym, Úmbetova Gúlnur, Saǵdatova Qaragóz, Jeńisqyzy Ińkár, Danabai Gýlnýr, Qýanyshova Jadyra, Ahmetova Indira, Morozova Arina, Aqylbekqyzy Nargiz jáne Narenbaeva Gýlderaiym baq synady.
«ATU Aruy – 2019» baiqaýynyń qatysýshylary tek sulýlyq talaptary boiynsha ǵana emes, aqyl-oi, bilim, sahnalyq mádeniet, óner, kórkemdik sheberlik pen ziiatkerlik, shyǵarmashylyq qabiletteri boiynsha da synaqqa tústi. Baiqaý 4 kezeńnen turdy. Alǵashqy kezeń tanystyrý, odan keiingi kezeń suraq-jaýap, óner kórsetý jáne defile boldy. Qatysýshylar atalǵan kezeńderde ózderiniń jan-jaqty bilimi men talantyn tanyta bildi.
«ATU Aruy – 2019» baiqaýynyń qazylar alqasynyń quramynda Almaty tehnologiialyq ýniversitetiniń túlegi, «Qazaq arýy – 2007» baiqaýynyń jeńimpazy Alfina Nasyrova, «Baqytsyzdar baǵy» serialynyń bas aktrisasy, ánshi Aigerim Qalmuratova, qazaq estradasynyń juldyzy, ánshi Rysbek Atash, «Jas sahna» teatrynyń akteri, kasting direktory Madiiar Erǵaliuly, jas ánshi Aigerim Mergenbai (Sisitai), juldyzdy hair-stilist Balnur Qýantai boldy. Sharanyń joǵary deńgeide ótýine ýniversitettiń belsendi stýdentteri men uiym tóraǵalary da atsalysty. «ATÝ arýy – 2017» baiqaýynyń jeńimpazy, «Tai-Na» sán teatrynyń jetekshisi Joldasova Dinara, ýniversitettiń Jastar isi jónindegi komitetiniń tóraǵasy Tólegen Hantóre, «Golden Tim» zamanaýi bi tobynyń jetekshisi Kýmargazin Dinmuhammed jáne jeńil ónerkásip jáne biznes fakýltetiniń stýdenti Týmanchin Daniiar sulýlyq baiqaýynyń basy-qasynda júrip, uiymdastyrý jumystaryn atqardy.
Baiqaý qorytyndysy boiynsha «ATU Aruy – 2019» ataǵyna Qaragóz Saǵdatova laiyq dep tabyldy. Sondai-aq, Qaragóz «Kórermen kózaiymy» nominatsiiasyn jeńip alyp, 20 myń teńge aqshalai syilyqqa ie boldy.
«Baiqaýǵa bir ai boiy daiyndaldym. Jeńil ónerkásip jáne dizain fakýltetiniń 1 kýrsynda oqimyn. Jeńimpaz bolǵanyma áli sene almai turmyn. Qarsylastarymnyń barlyǵy myqty boldy. Meniń ozyq bolǵan tusym – «Suraq-jaýap» bólimi men óner kórsetýde boldy dep oilaimyn. Bolashaqta ýniversitetti aiaqtap, tanymal dizainer bolǵym keledi. Meni qoldaǵan jaqyndaryma kóp raqmet»,- dep alǵashqy áserimen bólisti baiqaý jeńimpazy.
Al I miss ataǵyna Jeńisqyzy Ińkár, II miss ataǵyna Toiqul Áigerim laiyq dep tabyldy. Úmbetova Gúlnur «Talantty arý» nominatsiiasyn ielenip, 20 myń teńge sertifikatpen marapattaldy.
Barlyq qatysýshylarǵa uiymdastyrýshylar atynan gúl shoqtary men diplomdar, ýniversitettiń baspahanasynan shyqqan arnaiy fotosýretteri, sertifikattar men arnaiy syilyqtar tabystaldy. Shýaqty kóktemniń merekesi aiasynda ótkizilgen shara qyzdardyń da, kórermenderdiń de kóńiline kóktem lebin syilady.
