Aqmola oblysynyń Atbasar aýdanynda áieldi óltirip, denesin bólshektep ózenge tastaǵan kúdikti ustaldy, dep habarlaidy QazAqparat.
Aqmola oblystyq Politsiia departamenti baspasóz qyzmetiniń málimetinshe, maýsymnyń 21-inde Atbasar aýdanynyń aýmaǵynda «Jabai» ózeniniń bógetinen adam denesiniń bólikteri tabyldy.
«Osyǵan bailanysty politsiia Qylmystyq kodeksiniń 99-baby 1-bóligi boiynsha («Kisi óltirý») boiynsha sotqa deiingi tergeýdi bastady. Jedel izdestirý júrgizilip, bir táýlik ishinde áieldiń jeke basy anyqtaldy, sonymen birge kúdikti ustalyp, ýaqytsha ustaý izoliatoryna qamaldy. Qazaqstan Respýblikasy Qylmystyq is júrgizý kodeksiniń 201-babyna sáikes sotqa deiingi tergep-tekserý derekteri tergeý múddesine sai jariia etilmeidi», - dedi vedomstvodan.
Aita ketsek, bul týraly áleýmettik jelide beinejazba jariialandy. Onda ózen jaǵasyndaǵy qamystyń arasynan bólshektelgen áieldiń denesi tabylǵany aitylǵan. Ony jergilikti turǵyndar habarlaǵan.
