15 tamyzdaǵy jaǵdai boiynsha ataýly áleýmettik kómekpen 1,8 mln Qazaqstandyq qamtylǵan, dep habarlady QR Eńbek jáne halyqty áleýmettik qorǵaý ministrliginiń baspasóz qyzmeti.
Járdemaqy alýshylardyń kóbi Túrkistan oblysynda – 498,7 myń adam, Almaty oblysynda – 225,4 myń adam, Shymkent qalasynda 216,3 myń adam turady.
Járdemaqy alýshylardyń 42% – qala turǵyndary, 58% – aýyl turǵyndary. Aǵymdaǵy jylǵy 1 tamyzǵa AÁK 103 mlrd teńge somasynda tólendi. Bir otbasyna tólemniń ortasha mólsheri aiyna 86 myń teńgeni qurady.
Ataýly áleýmettik kómek - bul aqshalai tólem ǵana emes, sonymen qatar Jumyspen qamtýǵa járdemdesý jáne áleýmettik beiimdel túrinde kórsetiletin áleýmettik qoldaý sharalarynyń kesheni.
"AÁK alýǵa ótinish bildirgen 231 myń adamǵa JAO sheshimi boiynsha qosymsha áleýmettik kómek, kommýnaldyq qyzmetterge turǵyn úi kómegi, jalpy bilim berý jelisi boiynsha materialdyq kómek, balalarǵa arnalǵan qosymsha fakýltativter, arnaýly áleýmettik qyzmetter jáne t.b. kómek túrleri kórsetildi. 12,1 myńnan astam adam jumyspen qamtýǵa járdemdesý sharalarymen qamtylǵan 25,3 myń adam óz betinshe jumysqa ornalasty. 5,2 myńnan astam adam shaǵyn biznesti ashý úshin aqshalai kómekti paidalandy, sonyń nátijesinde 7 myńǵa jýyq jańa jumys orny quryldy, 400 azamat jumys istep turǵan biznesin keńeite aldy. 87,6 myń otbasy qarajatty jeke qosalqy sharýashylyǵyn damytýǵa jumsady, onyń ishinde 73,9 myń otbasy mal satyp alsa, 4,1 myń otbasy aýyl sharýashylyǵy jabdyqtaryn satyp aldy", - delingen taratylǵan aqparatta.
Kórsetilip otyrǵan áleýmettik kómektiń ataýlyǵyn jáne biýdjet qarajatynyń nysanaly paidalynylýyn qamtamasyz etý maqsatynda Ministrlik jergilikti atqarýshy organdarǵa turaqty túrde ádistemelik jáne praktikalyq kómek kórsetedi, óńirlermen júieli túrde selektorlyq jinalystar ótkizip turady, sol siiaqty, AÁK alýǵa úmitkerlermen de jumys isteý úshin is-qimyl algoritmi bar nusqaýlyq hattar jiberedi, óńirler boiynsha AÁK taǵaiyndalýyna taldaý júrgizedi.
