Mysyrda qalýǵa májbúr bolǵan 17 jastaǵy qazaqstandyq elge aman - esen oraldy. Bul týraly «Týristik qamqor» qory málim etti, dep habarlaidy "Ult aqparat".
Tórt adamnan turatyn otbasy Mysyrda demalǵan. Olar elge qaitatyn kezde PTR test tapsyrǵan. Úlken ulynyń tapsyrǵan testi oń nátije bergen.
Týroperator otbasyn Mysyrda uldaryn qaldyryp, ózderin Qazaqstanǵa oralýǵa kóndirgen. Ata-analary buǵan deiin bozbalanyń basqa elderge jalǵyz ushqanyna senip, solai istepti.
«Balanyń ata-anasy ony Mysyrda tastap ketkeni durys bolǵan, óitkeni ol bortta eki júzden astam adamǵa koronavirýs juqtyrýy múmkin edi. Bul rette týroperator barlyq jaýapkershilikti óz moinyna aldy. Jasóspirim qonaq úide qaldy.Barlyq shyǵyndy qonaq úi basshylyǵy kóterip aldy»,-dep habarlady «Týristik qamqor» qorynan.
Qordaǵylardyń aitýynsha, onyń kelýi men emdelýine ketetin barlyq shyǵyndar týristerdiń moinyna tústi degen aqparat - jalǵan.
«Olar jas týristke qamqorlyq jasady, ony qoldady. Bul bizneske eń laiyqty kózqarastyń mysaly. Olardyń ustanymdarynyń arqasynda bozbala ornalasqan qonaq úide turý shyǵyndaryn óz moinyna aldy. Transfer tolyǵymen týroperatordyń esebinen boldy. Osy oqiǵalar bolǵan kezde týroperator jigitpen, onyń ata-analarymen únemi bailanysyn úzgen joq», - dep atap ótti qordaǵylar.
Sondai-aq saqtandyrý kompaniiasynyń ikemdiligi men jaýapkershiligi de aityldy. Uiym hattamaǵa sáikes áreket etti: ereje boiynsha jas jigitti qonaq úi bólmesinde oqshaýlap, tamaqpen qamtamasyz etti, onyń jaǵdaiyn baqylap, test aqshasyn tóledi.
Qazaqstandyq jasóspirim aman-esen elge oraldy.
