Óskemen qalasynda 12 jastaǵy oqýshy sabaqqa barmaý úshin jalǵan aryz túsirgen, dep habarlaidy QazAqparat.
Qalalyq Politsiia basqarmasy baspasóz qyzmetiniń málimetine súiensek, 18 qazanda «102» jedel arnasyna shuǵyl qyzmet psihology 12 jasar qyzdyń habarlasqany týraly aitty. Jetkinshek óz sózinde ata-anasynyń ony jáne apaiyn uryp-soǵatyny týraly jetkizgen.
«Atalǵan faktige orai politsiia qyzmetkerleri tekserý júrgizdi. Belgili bolǵandai, kámeletke tolmaǵan bala mektepke barmaý úshin osy oqiǵany oilap tapqan. Jetkinshektiń anasy ony qosymsha sabaqtarǵa jazǵan, al oqýshy qyz oǵan qatysqysy kelmegen», - dep habarlady vedomstvo ókilderi.
Kámeletke tolmaǵandar isi jónindegi inspektorlar balamen jáne onyń ata-anasymen profilaktikalyq áńgime ótkizdi.
