QR Ekologiia, geologiia jáne tabiǵi resýrstar ministrliginiń baspasóz qyzmeti elordada turǵyn úi kesheniniń qurylys alańynda júrgen flamingo qusyna qatysty túsinik berdi, dep habarlaidy QazAqparat.
«2021 jylǵy 4 qarashada áleýmettik jelilerde Nur-Cultan qalasyndaǵy «Shyǵys» turǵyn úi kesheniniń (Jasyl kvartal aýdanynda) qurylys alańynda 2 flamingo qusy bar ekendigi týraly beinematerial jariialandy.
Aýa raiynyń jaǵdaiyn eskere otyryp, QR Orman sharýashylyǵy jáne janýarlar dúniesi komiteti Aqmola oblystyq aýmaqtyq inspektsiiasynyń qyzmetkerlerine flamingolardy qutqarý sharalaryn qabyldaýdy tapsyrdy.
Inspektorlar ol jerdi teksergen kezde flamingo tabylǵan joq. Atalǵan qurylys alańy qyzmetkeriniń aitýynsha, flamingolar Kishi Taldykól kóline qarai ushyp ketken», - delingen vedomstvo habarlamasynda.
Málim etilgendei, qazirgi ýaqytta inspektorlar qala ákimdiginiń qyzmetkerlerimen birge flamingolardy izdeý maqsatynda Kishi Taldykól kólin tekserip jatyr.
