Elordada azamattardy aldyn ala jazý boiynsha vaktsinatsiialaý bastaldy. Bul týraly Ortalyq kommýnikatsiialar qyzmetinde ótken onlain brifing barysynda Nur-Sultan qalasynyń qoǵamdyq densaýlyq saqtaý basqarmasynyń basshysy Timýr Muratov aitty, dep habarlaidy QazAqparat.
Onyń sózinshe, ujymdyq immýnitetti qalyptastyrý úshin 600 myńnan astam adamǵa nemese qala turǵyndarynyń kem degende 60%-na vaktsina jasaý josparlanǵan.
«Búngingi tańda elordada 22 500-den astam adam koronavirýsqa qarsy vaktsina saldyrdy. Bul meditsinalyq qyzmetkerler, oqytýshylar, quqyq qorǵaý organdarynyń, diplomatiialyq qyzmettegi qyzmetkerler jáne sozylmaly aýrýy bar adamdar. Vaktsinadan keiin asqynýlar tirkelmegen. Osy aptada qala turǵyndarynyń aldyn ala jazylýy boiynsha jappai vaktsinatsiialaý bastaldy. Iaǵni koronavirýs infektsiiasyna qarsy vaktsinany alǵysy keletin adamnyń barlyǵy óz erkimen jazylyp, endi emhanalardan shaqyrýdy kútýde», - dedi Timýr Muratov.
Sonymen qatar, densaýlyq basqarmasy astanalyqtardy vaktsinatsiialaýdyń algoritmin jasady.
«Koronavirýsqa qarsy ekpeni alǵysy keletinder eki jol arqyly ótinish qaldyra alady. Azamattar eGov portaly arqyly ózderine yńǵaily ýaqytta jáne jerde vaktsinatsiia alýǵa ótinish qaldyra alady. Ekpe jasaityn mekemelerdiń tizimi eGov portalynda bar. Dáriger azamatty vaktsina alý tizimine qosqan soń, oǵan jeke nómirne sms-habarlama keledi. Ol jerde ýaqyty, vaktsinatsiia jasalatyn jerdiń meken-jaiy kórsetiledi», - dep atap ótti ol.
Vaktsina alǵan adamdar 30 minýt boiy baqylaýda bolady.
«Halyqty vaktsinatsiiamen qamtý úshin meditsinalyq uiymdarda egý pýnktteriniń sany 36-dan 100-ge deiin kóbeitildi, olardyń jumysy tańǵy 8: 00-den túngi 24: 00-ge deiin uzartyldy. Sondai-aq halyqtyń ekpe alýy qoljetimdi bolýy úshin sanitarlyq-epidemiologiialyq baqylaý departamentimen birge vaktsinatsiialaý pýnkterin qalanyń saýda jáne oiyn-saýyq ortalyqtarynda ornalastyrýdy josparlap otyrmyz. Qazirgi tańda «Mega Silk Way» SOSO-da barlyq sanitarlyq-epidemiologiialyq talapty eskere otyryp, halyqty vaktsinatsiialaýǵa daiyndyq jumystary júrgizilýde. Onda eki brigada túske deiin jáne eki brigada tústen keiin jumys isteidi. Brigadalar dárigerler men medbikelerden quralǵan, - dep túsindirdi Timýr Muratov brifingte.
