Elordalyq Sáýlet, qala qurylysy jáne jer qatynastary basqarmasy Ortalyq ámbebap dúkeniniń (TsÝM) ornyna salynatyn ǵimarattyń syzbalaryn kórsetti, dep habarlaidy "Ult aqparat".
Onda jeke investor jerasty avtoturaǵy bar biznes ortalyǵyn turǵyzýǵa nietti.
«Kópfýnktsiialy keshende saýda ortalyǵy, turǵyn úiler jáne 489 orynǵa arnalǵan jerasty avtoturaǵy qarastyrylǵan. Sonymen birge, eki fontan tostaǵany ornatylyp, jerasty avtoturaqtan shyǵatyn jabyq kolonna da salynady», - dep habarlady astanalyq basqarmadan.
Saýda ortalyǵy 5 qabattan turady, onyń aýdany – 51 157 sharshy metr. Ár qabatta túrli sanattaǵy tamaqtaný núkteleri ashylady.
Odan bólek, keshende 5 kinozaldan turatyn kinoteatr-mýltipleks, 6 jolaǵy bar boýling, balalar kesheni jáne SPA-bólimi bar saýyqtyrý ortalyǵy jumys istemek.
Aita keteiik, qazirgi «Sine Tempore» saýda ortalyǵy qalalyq ákimdik ǵimaratynyń janynda, Kenesary men Beibitshilik kósheleriniń qiylysynda ornalasqan.
