Astana qalasynyń ishki ister departamenti Ramada Plaza qonaq úiine ornalasatyn boldy. Bul týraly búgin Úkimet otyrysynan keiingi brifingte QR Ishki ister ministri Qalmuhanbet Qasymov aitty, dep habarlaidy "Ult aqparat".
«Qazir ǵana Ramada Plaza qonaq úiin ákimdik menshigine berý týraly sheshim qabyldandy. Biraq, ákimdik ony Ishki ister departamentine beremiz dep sheshken bolatyn. Departament Ramada Plaza-ǵa kóshedi. Biz ol jerde jóndeý jumystaryn bastaimyz», - dedi ministr.
Onyń aitýynsha, atalǵan ǵimaratta Astana qalalyq ishki ister departamenti men elordanyń aýdan ákimdikteriniń biri ornalasady.
«Ǵimarat Baiqońyr aýdanynyń aýmaǵynda ornalasqan. Sondyqtan, birqatar mekemeler sonda kóshiriledi», - dedi Qalmuhanbet Qasymov.
