Elordadaǵy «Mega Silk Way» saýda, oiyn-saýyq ortalyǵynda koronavirýsqa qarsy vaktsinatsiia bastaldy, dep habarlaidy "Ult aqparat".
Vaktsinanyń birinshi komponentin saýda, oiyn-saýyq ortalyǵynyń qyzmetkerleri, býtikterdi jalǵa alýshylar, satýshylar jáne ortalyq qyzmetkerleri aldy.
Budan basqa, qalada koronavirýsqa qarsy vaktsinalaý aldyn ala jazylý arqyly meditsinalyq-sanitarlyq kómek uiymdarynda, iaǵni emhanalarda, otbasylyq densaýlyq ortalyqtarynda, dárigerlik amýblatoriialarda jáne ózge de nysandarda júrgizilýde.
Elordada egý pýnkteriniń sany 36-dan 100-ge deiin ulǵaityldy, al olardyń jumys kestesi saǵat 08:00-den 00:00-ge deiin uzartyldy. Vaktsinany alýǵa egov mobildik qosymshasy arqyly nemese 109 nómiri boiynsha call-ortalyqqa qońyraý shalý arqyly jazylýǵa bolady.
«Búgin testilik rejimde SOSO qyzmetkerlerin egýdi bastadyq. Munda shamamen 100 adam bar. Vaktsinatsiiadan buryn olardyń bári dárigerlerdiń mindetti meditsinalyq tekserýinen ótti. Al SOSO-da brigadalar kezekshilik etedi. Vaktsinatsiiaǵa ruqsat berilgender egiledi», — dedi Nur-Sultan qalasy Qoǵamdyq densaýlyq saqtaý basqarmasy basshysynyń orynbasary Áliia Rústemova.
Sondai-aq, ol SOSO-da qala turǵyndaryn jappai vaktsinalaý qashan bastalatynyn aitty.
«Búgin qalalyq sanitarlyq dárigerdiń qaýlysy boiynsha saýda, oiyn-saýyq ortalyǵy kelýshiler úshin jabyq. Sol sebepti dúisenbide SOSO-da ornalasqan egý ortalyǵy turǵyndardy da, ortalyqqa kelýshilerdi de vaktsinalaýdy bastaidy», - dedi Rústemova.
Qazirgi ýaqytta elordada vaktsinalardyń jetkilikti mólsheri bar. Sáýir aiynyń sońyna deiin Nur-Sultanǵa 250 myńnan astam doza keledi. Jalpy, ár apta saiyn Densaýlyq saqtaý basqarmasynyń qoimalaryna «Spýtnik V» jańa partiiasy kelip túsedi.
Búgingi tańda koronavirýs infektsiiasyna qarsy 26 myńnan astam adam ekpe aldy.
Qajet bolǵan jaǵdaida halyqty vaktsinalaý pýnkteri birqatar SOSO men qonaqúi keshenderinde ashylatyn bolady.
