Elordanyń birqatar mektebine «Alash» qairatkerleriniń esimderin berý máselesi qarastyrylyp jatyr. Bul jaiynda Májilis depýtattarynyń saýalyna QR Premer-Ministriniń orynbasary Eraly Toǵjanovtyń jaýabynda aitylǵan, dep habarlaidy "Ult aqparat".
«Memleket basshysynyń «Alash» qozǵalysy qairatkerleriniń erlikterine laiyqty baǵa berip, josparly túrde nasihattaý týraly tapsyrmasyna sáikes, birtýar tulǵalar esimin ardaqtap, máńgi este qaldyrý boiynsha memleket tarapynan birqatar jumystar atqarylýda. Búgingi kúni Nur-Sultan qalasynda «Alash» qozǵalysynyń 30 shaqty tulǵasyna kóshe ataýlary berilgen. Onyń ishinde, sizder usynǵan tizimnen kelesi azamattardyń esimderi bar - Maǵjan Jumabaev, Álihan Bókeihan, Ahmet Baitursynuly, Álihan Ermekov, Jahansha Dosmuhameduly, Mustafa Shoqai, Halel Dosmuhameduly, Halel Ǵabbasuly, Ýálithan Tanashuly, Aidarhan Turlybaiuly, Muhamedjan Tynyshbaiuly, Jaqyp Aqbaiuly, Aspandiiar Kenjeuly, Mirjaqyp Dýlatuly, Qoshke Kemeńgeruly, Ǵumar Qarash, Shákárim Qudaiberdiuly, Sháimerden Qosshyǵululy, Sultanbek Qojanuly, Birimjanovtar, Názir Tórequluly, Smaǵul Sadýaqasuly, Hairetdin Bolǵanbaiuly, Sultanmahmut Toraiǵyruly, Júsipbek Aimaýytuly, Teljan Shonanuly, Qanysh Sátbaev, Muhtar Áýezov», - delingen Úkimet basshysynyń orynbasarynyń jaýabynda.
Sonymen qatar, ol elimizdiń azattyǵy úshin kúresken Alash qairatkerleriniń esimderin máńgilik este saqtaý maqsatynda 2020 jyly Nur-Sultan qalasynyń bilim berý uiymdaryna Ahmet Baitursynulynyń, Álihan Bókeihannyń, Shákárimniń esimderi berilgenin aitady.
«Qazirgi ýaqytta Táýelsizdigimizdiń 30 jyldyq mereitoiy qarsańynda elordanyń birqatar bilim berý mekemelerine Názir Tórequlovtyń, Mustafa Shoqaidyń, Qoshke Kemeńgerulynyń, Qanysh Sátbaevtyń, Smaǵul Sádýaqasulynyń esimderin berý máselesi qarastyrylýda. Alash qairatkerleriniń atymen budan basqa da 30-dan astam kóshe, 10-ǵa jýyq mektep atalady», - dedi Eraly Toǵjanov.
Onyń atap ótýinshe, QR Úkimetiniń janyndaǵy Respýblikalyq onomastika komissiiasy memlekettik organdarmen qairatkerlerdiń esimderin kóshelerge, dańǵyldarǵa, memlekettik mekemelerge berý úshin qoldanystaǵy zańnamaǵa sáikes jumystar júrgizýde.
«Osyǵan orai, memlekettik mekemelerge jergilikti atqarýshy organdarmen birlesip, «Alash» qozǵalysy qairatkerleriniń esimderin óskeleń urpaqqa jan-jaqty jetkizý maqsatynda, olardyń esimderin eldi mekenderdiń quramdas bólikterine, obektilerge berý boiynsha tiisti jol kartasyn ázirlep, júieli túrde qarastyrý tapsyryldy», - delingen jaýapta.
