Elordada «BMW» markaly avtokóliktiń 22 jastaǵy júrgizýshisi tizgindi basqara almai, turaqta turǵan kólikterge soǵyldy, dep habarlaidy QazAqparat Nur-Sultan qalalyq PD baspasóz qyzmetine silteme jasap.
«27 qyrkúiek kúni saǵat 05:35 shamasynda «BMW» markaly avtokóliktiń 22 jastaǵy júrgizýshisi Konstitýtsiia kóshesimen 18/1 úige qarama-qarsy júrip kele jatyp, rýldi basqara almai qalǵan. Sóitip «Renault» markaly turaqqa qoiylǵan avtokólikke soqtyǵysyp, odan ári inertsiiamen «Hyundai», «Volkswagen» jáne «Toyota» avtokólikteri mehanikalyq zaqym aldy», - delingen vedomstvo habarlamasynda.
Jol-kólik oqiǵasynan eshkim zardap shekken joq. Atalǵan fakti boiynsha «BMW» júrgizýshisine qatysty 610-bap 1-tarmaq boiynsha ákimshilik hattama toltyryldy.
Politsiia departamenti júrgizýshilerden jolda óte muqiiat bolýdy jáne jol erejelerin qatań saqtaýdy suraidy.
