Foto: ashyq derekkóz
Astanada 24 qarashada iz-túzsiz joǵalyp ketken 14 jastaǵy mektep oqýshysy birneshe saǵatqa sozylǵan izdeý jumystarynyń nátijesinde ózennen óli kúiinde tabyldy, dep habarlaidy Tengrinews.kz.
Politsiia departamentiniń málimetinshe, qyz bala 24 qarasha kúni shamamen 18:30-da úiden shyǵyp ketken jáne kóp uzamai bailanysqa shyqpai qalǵan. Saǵat 21:00-de ata-anasy politsiiaǵa habarlasyp, qyzdarynyń joǵalǵanyn málimdegen.
«Izdeýge departamenttiń búkil jeke quramy men eriktiler jumyldyryldy», – dedi politsiia ókilderi.
Tártip saqshylary men qala turǵyndary birneshe saǵat boiy qyzdy izdedi. Ókinishke qarai, ony aman-esen tabý múmkin bolmady. Oqýshynyń jansyz denesi ózennen tabylǵan. Oqiǵa ornynan túsirilgen video áleýmettik jelilerde jariialandy.
«Sýitsid faktisi boiynsha qylmystyq is qozǵaldy. Qazir bolǵan oqiǵanyń barlyq mán-jaiy anyqtalyp jatyr», – dep habarlady politsiia.
