Astanada Uly Dala dańǵyly men Tóle bi kóshesiniń qiylysynda sý qubyry, nóser jáne sharýashylyq-turmystyq kanalizatsiia jelilerin tartý jumystary júrgiziledi, - dep habarlaidy Ult.kz.
Osyǵan bailanysty 16 shilde men 16 tamyz aralyǵynda kórsetilgen ýchaskede qozǵalys ishinara jabylady. Osy ýaqytta avtokólik quraldarynyń qozǵalysy eki baǵytta bir jaǵynan kezeń-kezeńimen uiymdastyrylady.
"Elorda turǵyndary men qonaqtaryn qala joldaryndaǵy keptelisterdi boldyrmaý maqsatynda óz marshrýttaryn aldyn ala josparlaýdy suraimyz. Ýaqytsha qolaisyzdyqtar úshin keshirim suraimyz jáne jol-qurylys jumystaryn júrgizýge túsinistikpen qaraýdy suraimyz", - delingen habarlamada.
