Nur-Sultan qalasynda shaǵyn saiabaqqa Ulybritaniia patshaiymy II Elizavetanyń esimin berý usynyldy, dep habarlaidy QazAqparat.
«Qabanbai batyr dańǵylyndaǵy «Saltanat saraiy» kesheni men The St. Regis Astana qonaq úii arasynda ornalasqan ataýsyz skverge Ulybritaniia jáne Soltústik Irlandiia birikken koroldiginiń patshaiymy II Elizaveta esimin berý usynylyp otyr. Atalǵan usynys QR Syrtqy ister ministrliginiń tarapynan ekijaqty diplomatiialyq bailanysty nyǵaitý maqsatyn kózdeidi», - dedi Nur-Sultan qalasy tilderdi damytý jáne arhiv isi basqarmasynyń basshysy Sáken Esirkep máslihat otyrysynda jasaǵan baiandamasynda.
Sonymen qatar elordadaǵy Syrtqy ister ministrligi ǵimaratynyń aldynda ornalasqan ataýsyz alleiaǵa memleket jáne qoǵam qairatkeri, pýblitsist, diplomat Názir Tórequlovtyń esimin berý boiynsha usynys jasaldy.
