Foto: QR MAM
23 sáýirde Astanadaǵy Beibitshilik jáne kelisim saraiynda Ulttyq kitap kúnine arnalǵan saltanatty jiyn ótti, dep habarlaidy Ult.kz.
Is-sharaǵa QR Parlament Májilisiniń tóraǵasy Erlan Qoshanov, Mádeniet jáne aqparat ministri Aida Balaeva, tanymal aqyn-jazýshylar, Memlekettik syilyq iegerleri, QR Parlamentiniń depýtattary, memleket jáne qoǵam qairatkerleri, baspas salasynyń ókilderi, oblystyq kitaphanalardyń basshylary jáne shyǵarmashylyq ziialy qaýym qatysty.
«San ǵasyrlar ótse de, kitaptyń adamzat úshin mańyzy ózgergen joq. Búginde kitap – ziiatker ult pen sanaly qoǵam qalyptastyrýdyń negizgi quralyna ainaldy. Qazirgi tańda qoldanyp júrgen barlyq tehnologiia, meditsina, óner bári de kitap oqý arqyly damyǵan. Sondyqtan Memleket basshysy aitqandai, kitap ulttyń rýhani qundylyǵyna ainalýy tiis. Ulttyq kitap kúnin atap ótýdiń basty maqsaty – osy», - dedi Erlan Qoshanov quttyqtaý sózinde.
Foto: QR MAM
Saltanatty is-shara aiasynda Mádeniet jáne aqparat ministrligi jariialaǵan «Ulttyq kitap» respýblikalyq baiqaýynyń jeńimpazdaryn marapattaý rásimi ótti.
Baiqaýǵa keiingi eki jylda jaryq kórgen otandyq avtorlardyń týyndylary usynylyp, 9 nominatsiia jeńimpazdary men «Jyl kitaby» anyqtaldy.
Baiqaýǵa 120-dan astam ótinim túsken. Ár nominatsiia boiynsha jeńimpazdar aqshalai syilyqtarmen marapattaldy.
Is-shara barysynda sirek kitaptar men qoljazbalar, Jeńistiń 80 jyldyǵyna arnalǵan ádebietter, sondai-aq 2024 jyly memlekettik tapsyryspen jaryq kórgen 200-ge jýyq kitap pen sýretterdiń kórmesi usynyldy.
Foto: QR MAM
