Búgin Nur-Sultan qalasy Politsiia departamentiniń jeke quramy men muǵalimderdiń kezekti sany koronavirýs infektsiiasyna qarsy ekpe qabyldady, dep habarlaidy "Ult aqparat".
Qala ákimdiginen málim etkendei, politseiler arasynda vaktsina aldymen, turǵyndarmen tyǵyz bailanysta bolatyn, virýs juqtyrý qaýpi joǵary qyzmetkerlerge salynady. Olardyń arasynda ýchaskelik politsiia inspektorlary, potrýldik politseiler, iývenaldyq politsiia jáne ózge de mamandar bar.
Vaktsinatsiia jasalmas buryn dáriger mindetti túrde dene temperatýrasyn, júrek qaǵysyn, arteriialyq qan qysymyn, tynys alýyn jáne júrek-qan tamyrlary júiesin, aýyz qýysyn tekseredi, epidemiologiialyq anamnez naqtylanady.
Vaktsinatsiiaǵa tek ekpege qarsy kórsetilimi joq qyzmetkerler kirgizildi.
Potrýldi politsiia qyzmetiniń inspektory Aibek Quramysov vaktsina alǵannan keiin ózin qalai sezinetinin aityp berdi.
«Meditsinalyq tekseristen keiin vaktsinanyń birinshi komponentin aldym. Ózimdi qalypty sezinip turmyn, jumys ornyndamyn. Vaktsinatsiianyń virýspen kúreste kómegi tietinine senimdimin. Pandemiia bastalǵannan beri politsiia qyzmetkerleri túrli jaǵdaimen ushyrasyp, virýs juqtyrý qaýpi joǵary aimaqtarda aldyńǵy shepte júr ǵoi», – dedi politsiia aǵa leitenanty.
Aita ketsek, vaktsinatsiia Nur-Sultan qalasy Politsiia departamentiniń emhanasynda ótti.
№85 mektep-litseiiniń bastaýysh synyp muǵalimi Ainur Janserikova vaktsinany eń birinshi kezekte óziniń oqýshylarynyń qaýipsizdigi úshin qabyldaǵanyn jetkizdi.
«Bizge naqty nusqama berildi jáne aldaǵy 3 kúnde bolýy múmkin simptomdar týraly túsindirdi. Qysqa-nusqa, bári túsinikti jazylǵan. Biz elimizdiń azamaty jáne patriottary retinde ekpe alý úshin keldik. Qanshama oqýshymen bailanysta bolamyz. Sondyqtan olardyń, ózimizdiń jáne jaqyndarymyzdyń qaýipsizdigi úshin vaktsina saldyratyn boldyq. Bizdi eshkim kúshtep, májbúrlep jatqan joq. Ekpe saldyrýǵa taǵy 7 áriptesim birge keldi», – dedi Ainur Janserikova.
Ekpe salynatyn adamǵa protsedýra ótkizý algoritmi kórsetilgen «patsientter marshrýty» beriledi.
«Aldyn ala jasalǵan tizim boiynsha azamattardy ekpe salýǵa shaqyramyz. Jalpy tekserýden ótedi, qajetti málimetter beriledi. Odan keiin patsienttiń kelisimi alynyp, ekpe salynady. Ekpeden soń 30 minýt bizdiń baqylaýymyzda bolady. Eger eshqandai allergiialyq reaktsiia baiqalmasa úiine jiberemiz»,- dedi «Shipager» emhanasynyń jalpy tájiribe dárigeri Sandýǵash Zulpuharova.
Dárigerdiń aitýynsha, 18 jasqa deiingi balalarǵa, júkti áielderge, JRVI simptomdary bar, sonymen qatar sońǵy 6 aida koronavirýspen aýyrǵan azamattarǵa ekpe salynbaidy.
Ekpe jasalǵannan keiin 3 kún boiy monshaǵa barýǵa, iaǵni ekpe ornyn sýlaýǵa bolmaidy. Spirttik ishimdik ishýge jáne aýyr jumys isteýge de tyiym salynǵan.
Esterińizge salsaq, Qazaqstanda vaktsinatsiia kezeń-kezeńimen júrgizilýde. Birinshi kezeńde, koronavirýs infektsiiasyna qarsy vaktsinany infektsiialyq aýrýhanalardyń dárigerleri, jedel meditsinalyq járdem stantsiialarynyń, jansaqtaý bólimderiniń, aýrýhanalardyń qabyldaý bólimderiniń, sanepidqyzmet jáne basqa da bólimderdiń mamandary qabyldady. 1 naýryzdan bastap vaktsinatsiianyń ekinshi kezeńinde politseiler men muǵalimderge jáne meditsinalyq uiymdardyń basqa da bólimderiniń qyzmetkerlerine ekpe salynýda. Al vaktsinatsiianyń úshinshi kezeńinde sozylmaly aýrýlary bar jáne basqa da sanattaǵy azamattar qamtylady. Jyl sońyna deiin Qazaqstanda vaktsina qabyldaǵan azamattar sanyn 6 millionǵa jetkizý kózdelip otyr.
