Politsiia, ákimdik jáne sanitarlyq-epidemiologiialyq baqylaý basqarmasynyń ókilderi qataryndaǵy mobildik toptar karantin rejiminiń buzylýyn anyqtaýdy jalǵastyrýda, dep habarlaidy "Ult aqparat" Nur-Sultan qalasy politsiia departamentiniń baspasóz qyzmetine silteme jasap.
Jeksenbi kúni saǵat 18:34-te «Qyzylqum» meiramhanasynda jasalǵan reid barysynda monitoringtik top «Qyz uzatý» saltanatynyń ústinen túsken. Tekserýshiler kelgen kezde toi naǵyz qyzǵan shaǵynda bolǵan. Mekeme ǵimaratynda 160 adam kóńil kóterip, toilatqan. Olardyń arasynda qarttar men jas balalar bar.
«Adamdar tobynda birneshe saǵat ótkizgen beiqam azamattar ózderiniń densaýlyǵyna ǵana emes, ainalasyndaǵylardyń ómiri men densaýlyǵyna da qater tóndiretinin túsinbeidi», – deidi Nur-Sultan politsiia departamentiniń jergilikti politsiia qyzmetiniń bastyǵy Arman Aitmaǵambetov.
Toihana ielerine qatysty jinalǵan material QR ÁQBtK-niń 425-baby boiynsha ákimshilik is júrgizý úshin ýákiletti organǵa jiberildi.
Nur-Sultan qalasynyń politsiia departamenti kásipkerlerdi sanitarlyq normalardy saqtaýǵa shaqyrady. Politseiler azamattarǵa kópshilik is-sharalarǵa qatyspaýǵa jáne otbasylyq merekelerdi ótkizbeýge keńes beredi.
