kórneki foto: Halyq Uni
Astanada josyqsyz qurylys salýshylar ustaldy, - dep habarlaidy "Ult aqparat" Astana prokýratýrasyna silteme jasap.
"Biyl qyrkúiektiń basynda qala prokýratýrasynyń nusqaýy boiynsha Politsiia departamentiniń óndirisine "R-Club" jáne "R-Club Deluxe" TÚK úleskerleriniń ujymdyq aryzy negizinde alaiaqtyq faktisi boiynsha qylmystyq is berildi.
Úleskerlerdiń 4 milliard teńgeden astam aqshalai qarajaty tartylǵan, alaida is júzinde qurylysqa 900 million teńge jumsalǵany anyqtaldy. Qurylys salýshymen 2022 jyldyń 4-shi toqsanynda josparlanǵan, aiaqtalýǵa tiis qurylys bitpegen", - delingen habarlamada.
Vedomstvo málimetinshe, qurylys kompaniialarynyń basshylary ustalyp, olarǵa "kúzetpen ustaý" túrindegi bultartpaý sharasy qoldanylǵan.
"Jedel-tergeý toby quryldy. Qazirgi ýaqytta qylmystyń qalǵan qatysýshylary men olardyń aktivteri anyqtalyp jatyr", - delingen habarlamada.
