Qazaqstan Respýblikasy Mádeniet jáne sport ministrliginiń baspasóz ortalyǵynda «Jyr arqaýy – Astana» atty Halyqaralyq aqyndar aitysynyń baspasóz konferentsiiasy ótti.
Baspasóz konferentsiiasyna QR Mádeniet jáne sport ministri Arystanbek Muhamediuly, Qazaqstan Jazýshylar Odaǵynyń tóraǵasy Ulyqbek Esdáýlet, Qazaqstannyń halyq aqyny Ásiia Berkenova jáne Qazaqstan eńbek sińirgen qairatkeri Júrsin Erman, «Altyn dombyra» syilyǵynyń eki márte iegeri Muhtar Niiazov qatysty.
«Biz úlken eleýli oqiǵanyń aldynda turmyz. Nege deseńizder, Astana qalasynyń 20 jyldyq mereitoiy aiasynda keń aýqymdy halyqaralyq aqyndar aitysyn ótkizgeli otyrmyz. Birneshe jyl buryn mundai aitysty Júrsin Erman aǵamyz ótkizetin. Aitys – tól ónerimizdiń negizi. Aitysqa qashan da óte muqiiat bolýymyz kerek, sebebi ár shyqqan sóz adamnyń júregine jylý, keide tiken bolyp qadalady», - dep atap ótti Arystanbek Muhamediuly.
Aitys – qazaq rýhaniiatynyń altyn qazynasy, mádeni murasy. Ǵasyrdan ǵasyrǵa, atadan balaǵa jáne zamannan zamanǵa ulasyp kele jatqan asyl mura – aitys óneri – óz boiyna ónerdiń birneshe túrin qamtyǵan janr retinde jas aqyn-jyrshylardyń tájiribe mektebi, halqymyzdy iisi qazaq ekenin búkil álemge tanytatyn biik shyńy.
2018 jylǵy 20-21 qazan aralyǵynda «Qazaqstan» ortalyq kontsert zalynda Qazaqstan Respýblikasy Mádeniet jáne sport ministrliginiń uiymdastyrýmen Qazaqstan Respýblikasynyń elordasy – Astana qalasynyń 20 jyldyǵyna arnalǵan «Jyr arqaýy – Astana» atty Halyqaralyq aqyndar aitysy ótedi.
Osy kieli murany keńinen nasihattap, urpaqtan-urpaqqa jetkizý, talantty jastarymyzdy ónerdiń káýsar bulaǵynan nár alǵyzyp, sheberligin shyńdaýǵa yqpal etý maqsatynda Qazaqstan Respýblikasy Mádeniet jáne sport ministrligi «Jyr arqaýy – Astana» atty Halyqaralyq aqyndar aitysyn ótkizedi.
Is-sharaǵa Minathan Ularbek, Dáýletqyzy Jámiǵa (Qytai Halyq Respýblikasy), Rashat Aidos, Qýantqan Amanjol (Mońǵoliia), Maratov Asylbek, Ýsýpbek Ýýlý Mýndýzbek (Qyrǵyz Respýblikasy) syndy sheteldik sańlaq aqyndar men respýblikamyzdyń oblystyq jáne respýblikalyq mańyzy bar qalalyq aitystardyń jeńimpazdary: Zaitov Rinat, Qainazarov Erkebulan, Qoishyǵulov Serik, Baitýov Birjan, Niiazov Muhtar jáne t.b. elimizdiń belgili aityskerleri qatysady.
Qazylar alqasy: aqyn, Memlekettik syilyqtyń laýreaty, Tóraǵa Ulyqbek Esdáýlet, Qazaqstannyń eńbek sińirgen qairatkeri Júrsin Erman, filologiia ǵylymdarynyń doktory, professor Dihan Qamzabekuly, tarih ǵylymynyń doktory, Mimar Sinan kórkem óner ýniversitetiniń professory Abdýlvahap Kara (Túrkiia), belgili aqyn, jazýshy Shynai Rahmetuly (Mońǵoliia), aitys aqyny Ásiia Aiypqyzy Berkenova (Qazaqstan).
Aitystyń júlde qory: Bas júlde – 5 000 000 teńge; I oryn – 2 500 000 teńge; II oryn – 2 000 000 teńgeden 2 adam; III oryn – 1 000 000 teńgeden 2 adam; Jubanysh syilyqtar – 350 000 teńgeden.
