Foto: instagram.com/askar_zn
Astanada jańa kóshege erlikpen qaza tapqan órt sóndirýshi Asqar Zabikýlin esimi berildi. Máslihat depýtattary sheshimdi biraýyzdan qoldady, dep habarlaidy QazAqparat portaly.
Máslihattyń búgingi otyrysynda Astana qalasynyń keibir quramdas bólikterine ataýlar berý máselesi qaraldy.
«Onomastika komissiiasynyń otyrysynda birneshe máseleni qarastyrdyq. Olardyń birinshisi Qoǵamdyq keńesterde, Máslihat otyrystarynda talqylandy. Biz ál-Farabi dańǵylyn elordanyń sol jaǵalaýyndaǵy №38 kóshege aýystyrýdy uiǵardyq. Bul kópjolaqty kóshe, Táýelsizdik dańǵylynyń jalǵasy bolyp tabylady. Bolashaqta ol úlken dańǵyldardyń birine ainalady. Taǵy bir usynys – ózderińiz biletindei, «Qaharman» turǵyn úi kesheninde órt boldy. Órt sóndirýshi Asqar Zabikýlin qyzmettik boryshyn oryndaý kezinde qaza tapty. Memleket basshysy elordalyq kóshelerdiń birin Asqar Zabikýlinniń esimimen ataýdy tapsyrdy. Osylaisha, «Úrker» turǵyn alabyndaǵy №583 kósheni qutqarýshy Asqar Zabikýlinniń esimimen ataýdy usynamyz», - dedi máslihat otyrysynda elordalyq tilderdi damytý jáne muraǵat ýpravleniia basqarmasynyń basshysy Sáken Esirkep.
Spikerdiń aitýynsha, osy kóshe janynda qyzmettik boryshyn óteý kezinde qaza tapqan Saiat Ábeev pen Ǵaziz Baitasov atyndaǵy kósheler qatar ornalasqan.
