Elordanyń monitoring toptary táýlik boiy kúsheitilgen rejimde jumysyn jalǵastyryp jatyr. Kún saiyn olar qalanyń 100-den astam mekemesi men saýda nysandarynda shekteý sharalarynyń saqtalýyn tekseredi, dep habarlaidy "Ult aqparat" qala ákimdiginiń resmi saityna silteme jasap.
Máselen, ótken táýlikte 8 kásipkerlik nysannyń karantin talaptaryn buzǵany anyqtaldy.
Esil aýdanynda «Chechil Pub» barynda, «Chir-Chic», «Veranda» meiramhanalarynda jumys tártibi saqtalmaǵan. Sondai-aq, «Alanya» karaoke-meiramhanasy esikterin jaýyp jumys istegen.
Saryarqa aýdanynda karantin talaptaryn buzǵandar tiziminde «K-RIMA» dámdi palaý ortalyǵy, «Pei zdes» laýndj-bary bar.
Belgilengen ýaqyttan keiin Almaty aýdanynda ornalasqan «Eda mira» kafesine, «Par house», «Parilkino» saýnalarynda kelýshilerdi qabyldaǵan.
Tártip buzýshylarǵa qatysty jinalǵan materialdar tiisti sharalar qabyldaý úshin aýdandyq sanitarlyq-epidemiologiialyq baqylaý basqarmasyna tapsyryldy.
Esterińizge sala keteiik, elordadaǵy epidemiologiialyq ahýal turaqsyz.
Kún saiyn qalada KVI aýrýynyń 1300-den astam jańa jaǵdaiy anyqtalyp jatyr, aýrýdyń ortasha jáne aýyr aǵymy bar 300-ge jýyq patsient infektsiialyq statsionarlarǵa túsýde.
Osyǵan bailanysty mamandar Nur-Sultan qalasynyń turǵyndary men qonaqtaryn, sondai-aq kásipkerlik nysandaryn sanitarlyq normalar men karantin talaptaryn qatań saqtaýdy suraidy.
Aita ketý kerek, infektsiianyń ósýin toqtatýdyń jalǵyz tiimdi ádisi – ekpe egý arqyly ujymdyq immýnitetti qalyptastyrý.
Ol úshin vaktsinany halyqtyń 60%-dan astamy alýy tiis.
