Biyl qazan aiynda astanada QR Prezidenti Qasym-Jomart Toqaevtyń bastamasymen dástúrli «Digital Bridge» halyqaralyq tehnologiialyq forýmy ótedi, dep habarlaidy QazAqparat.
Sharany QR Tsifrlyq damý, innovatsiialar jáne aeroǵarysh ónerkásibi ministrligi, «Zerde» holdingi, Astana Hub IT-startaptar halyqaralyq tehnoparki «Qazaqtelekom» AQ, ERG jáne BTS Digital-men birge uiymdastyryp otyr.
«Zerde» UAH» AQ basqarma tóraǵasynyń orynbasary Pavel Koktyshevtiń aitýynsha, forýmda Qazaqstandaǵy tsifrlyq ekojúieniń ózekti máseleleri talqylanady.
«Digital Bridge» forýmyn ótkizýdegi basty maqsat – Qazaqstannyń innovatsiialyq ekojúiesi qatysýshylarynyń arasynda dialog alańyn qurý, Shanhai yntymaqtastyq uiymyna qatysýshy elder arasyndaǵy zamanaýi tehnoparkter tizbegin qalyptastyrý.
Forým aiasynda ótetin basty shara - Next Tech Entrepreneur Forum strategiialyq sessiiasy. Onda bolashaqtaǵy bilim berý, venchýr qarjylandyrý, kibersport, biznes-inkýbatsiia, tsifrlyq media siiaqty taqyryptar talqylanady. Ári qatysýshylar arasynda B2B kezdesýler ótedi.
Sondai-aq forým aiasynda Qazaqstannyń IT-indýstriiasyn damytýǵa úles qosqandar marapattalatyn Astana Hub Awards saltanaty, tehnologiialyq startaptardyń saiysy – Astana Hub Battle ótedi.
Budan bólek, «Digital Bridge» forýmy aiasynda Astana IT University jáne Alem baǵdarlamalaý mektepteri resmi túrde ashylady, «Digital HQO» servisteri kórsetiledi.
