Astanadaǵy kofehananyń esigin qasaqana búldirgen kýrer quryqtaldy, dep habarlaidy "Ult aqparat" Polisia.kz Telegram-arnasyna silteme jasap.
Buzaqy jetkizilgen tapsyrysty qabyldamaǵany úshin kofehananyń áinek esigin birneshe ret tepkilep, aitarlyqtai zaqym keltirip ketken.
Osy derek boiynsha ýchaskelik politsiia inspektorlary masań kúide bolǵan 23 jastaǵy elorda turǵynyn anyqtaǵan.
Buzaqynyń óreskel áreketi beinebaqylaý kameralaryna túsip qaldy.
Oǵan qatysty ÁQBtK-niń 147-1 baby 1-bóligimen ákimshilik jaýapkershilik qarastyrylyp, jinalǵan material sheshim qabyldaý úshin ákimshilik quqyq buzýshylyq isteri jónindegi mamandandyrylǵan aýdanaralyq sotyna joldanǵan.
Alkogoldik ishimdikterdi ishkeni nemese mas kúiinde qoǵamdyq oryndarǵa shyqqany úshin quqyq buzýshyǵa ÁQBtK-niń 440-babymen hattama toltyrylǵan.
